डोंबिवली – रिक्षा चालकाने एका प्रवाशाला दांडक्याने मारहाण केल्याची घटना डोंबिवली पूर्वेकडील स्टेशन परिसरातील इंदिरा चौकात घडली असून, हि घटना सीसीटीव्ही कॅमेऱ्यात कैद झाली आहे. सदर प्रकरणी राम नगर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार गणेश तांबे यांना इंदिरा चौकातून टाटा पॉवरला जायचे होते. त्यासाठी ते रिक्षा बघत होते. रिक्षा मिळताच त्यांनी रिक्षा चालकाला आधी भाडे किती घेणार असे विचारले तेव्हा रिक्षा चालकाने जास्त भाडे सांगितल्याने तांबे यांनी विचारणा करताच रिक्षाचालकाने तांबे यांना दांडक्याने मारहाण केली. या मारहाणीत तांबे जखमी झाले. दरम्यान, सदर प्रकरणी राम नगर पोलीस ठाण्यात गुन्हा दाखल करण्यात आला आहे.
