thane – महाराष्ट्र औद्योगिक विकास महामंडळाच्या पाणीपुरवठा योजने अंतर्गत जांभूळ जलशुद्धीकरण केंद्रातील जलाशय येथे बारवी गुरूत्व वाहिनी क्र. 1,2 व 3 वर जलवाहिन्यांचे उन्नतीकरण व तातडीने देखभालीचे काम करण्यात येणार आहे, यासाठी गुरूवार दिनांक 09/10/2025 रोजी रात्री 12.00 वाजे पर्यत ते शुक्रवार दिनांक 10/10/2025 रोजी रात्री 12.00 वाजे पर्यंत एकूण 24 तास पाणीपुरवठा बंद राहणार आहे.
परिणामी महाराष्ट्र औद्योगिक विकास महामंडळामार्फत पाणीपुरवठा करण्यात येत असलेल्या ठाणे महानगरपालिकेअंतर्गत दिवा, मुंब्रा (प्रभाग क्र. 26 व 31 चा काही भाग वगळता) आणि कळवा प्रभाग समितीमधील सर्व भागामध्ये व वागळे प्रभाग समिती मधील रुपादेवी पाडा,किसननगर नं. 2, नेहरूनगर तसेच मानपाडा प्रभाग समिती अंतर्गत कोलशेत खालचा गाव येथील पाणी पुरवठा दिनांक 09/10/2025 रोजी रात्री 12.00 वाजेपर्यत ते दिनांक 10/10/2025 रोजी रात्री 12.00 वाजेपर्यंत एकूण 24 तासांसाठी पूर्णपणे बंद राहील. पाणीपुरवठा सुरू झाल्यानंतर पुढील 1 ते 2 दिवस कमी दाबाने पाणीपुरवठा होईल याची नोंद नागरिकांनी घ्यावी.
पाणी कपातीच्या कालावधीत पाणी काटकसरीने वापरुन ठाणे महापालिकेस सहकार्य करावे असे आवाहन महापालिकेच्या पाणीपुरवठा विभागातर्फे करण्यात आले आहे.
