डोंबिवली – डोंबिवलीत स्कायवॉकवर मृतदेह सापडला. अंदाजे ५० ते ५५ वयोगटातील पुरुषाचा हा मृतदेह आहे. एका व्यक्तीस डोंबिवली रेल्वे स्टेशनला उतरून घरी जात असताना नाका नं १ वरील स्कायवॉकवर एक अनोळखी इसम निश्चिन्त पडलेला दिसला सदर व्यक्तीने त्याच्या जवळ जाऊन पाहिले असता तो इसम काहीएक हालचाल करत नसल्याचे त्याला दिसून आले. त्याने तात्काळ याबाबत डोंबिवली पोलिसांना माहिती दिली. पोलिसांनी सदर इसमास ताब्यात घेऊन रुग्णालयात दाखल केले असता डॉक्टरांनी त्याला मृत घोषित केले. सदरबाबत डोंबिवली पोलीस ठाण्यात अकस्मात मृत्यूची नोंद करण्यात आली आहे. घटनेचा पुढील तपास डोंबिवली पोलीस ठाण्याचे पोलीस उपनिरीक्षक आर. के. डोंगरे करत आहेत.
मृत व्यक्तीचे वर्णन – अंदाजे ५० ते ५५ वर्षे, पांढऱ्या, लाल आणि राखाडी रंगाचा हाफ बाह्याचा टी-शर्ट, निळ्या रंगाची हाफ पॅन्ट, रंग – सावळा, केस – काळे, तुरळक पांढरे, मिशा – लहान, डोळे – काळे, शरीराने – सडपातळ, उजव्या हातावर श्रीकृष्णाचे चित्र गोंदलेले.
(मृत व्यक्तीबाबत कोणाला माहिती असल्यास किंवा ओळखत असल्यास मो. 251 286 0101 राम नगर पोलीस ठाणे, एपीआय डोंगरे 7588585115 या नंबर वर संपर्क साधण्याचे पोलिसांनी आवाहन केले आहे.)
