jalgaon – गांजाची तस्करी करणाऱ्या एकास कासोदा पोलिसांनी अटक करून त्याच्याकडून १९ किलो गांजा जप्त केला आहे. अजय पवार असे याचे नाव आहे. कासोदा पोलीस स्टेशन हद्दीत पेट्रोलिंग करत असताना एरंडोलकडून कासोदाकडे जाणाऱ्या मुख्य रस्त्यावर बनकोठे गावाजवळ एक इसम मोटार सायकलवरून गांजा घेऊन जात असल्याची माहीती पोलिसांना मिळाली होती.
त्याअनुषंगाने पोलिसांनी सदर ठिकाणी सापळा रचून मोटार सायकलवरून जात असलेल्या अजय पवार यास ताब्यात घेऊन त्याच्याकडून १९ किलो गांजा आणि मोटारसायकल असा एकूण २,८०,००० रुपये किंमतीचा मुद्देमाल जप्त केला.
दरम्यान, सदर प्रकरणी अजय पवार याच्यावर कासोदा पोलीस ठाण्यात गुन्हा दाखल करण्यात आला असून, त्याला अटक करण्यात आली आहे.
