bhivandi – सोन्याचे दागिने लंपास करणाऱ्या सराईत गुन्हेगारास भिवंडी गुन्हे शाखेच्या पोलिसांनी अटक करून त्याच्याकडून ९ लाखांचे सोन्याचे दागिने हस्तगत केले आहेत. जब्बार जाफरी असे याचे नाव असून, तो पोलीस असल्याची बतावणी करून दागिने लंपास करत असल्याची माहिती समोर आली आहे.
याबाबत वृत्त असे आहे कि. निजामपुरा पोलीस ठाणे, भिवंडी येथील दाखल गुन्ह्याचा गुन्हे शाखा, घटक- २, भिवंडी पोलीस अधिकारी व अंमलदार हे समांतर तपास करत होते. त्यावेळी मिळालेल्या गोपनिय माहितीच्या आधारे पोलिसांनी जब्बार जाफरी याला सापळा रचून अटक केली. त्याने गुन्ह्याची कबुली दिली असून, त्याच्याकडून एकूण ९,२८,०००/- रूपये किमंतीचे ११६ ग्रॅम वजनाचे सोन्याचे दागिने हस्तगत करण्यात आले आहेत.
दरम्यान, जब्बार जाफरी याने यापूर्वी निजामपुरा, नारपोली, भोईवाडा, भिवंडी शहर, विठ्ठलवाडी व कळवा पोलीस ठाणे हद्दीत फसवणुकीचे ६ गुन्हे केले असल्याचे तपासात निष्पन्न झाले आहे.
