कोल्हापूर – कोल्हापुरातील सायबर चौकात कारचा भीषण अपघात झाला असल्याची माहिती समोर आली आहे. भरधाव कारने चार वाहनांना जोरदार धडक दिली. या अपघातात ४ ते ५ जण गंभीर जखमी झाले, तर तीन जणांचा मृत्यू झाला आहे. जखमींना रुग्णालयात दाखल करण्यात आले आहे.
मिळालेल्या माहितीनुसार, आज दुपारी २.२५ वाजताच्या सुमारास हा अपघात घडला. एका कारने सायबर चौकात चार वाहनांना धडक दिली. हा अपघात इतका भीषण होता की, कार चालकासह तीन जणांचा जागीच मृत्यू झाला तर, ४ ते ५ जण गंभीर जखमी झाले.
दरम्यान, हि कार शिवाजी विद्यापीठाचे माजी प्र कुलगुरू व्ही.एम.चव्हाण यांची असल्याची माहिती समोर आली आहे. या अपघातात त्यांचा देखील मृत्यू झाला आहे.
