मुंबई – घाटकोपर दुर्घटनेतील आरोपी भावेश भिंडेला मुंबई पोलिसांच्या गुन्हे शाखेने अटक केली आहे. त्याला उदयपूरमधून अटक करण्यात आली आहे.
मुंबईत अचानक आलेल्या वादळी वाऱ्यामुळे घाटकोपरच्या पूर्व द्रुतगती मार्गावर लावलेले होर्डिंग कोसळले होते. या दुर्घटनेत १६ जणांचा मृत्यू झाला होता. हे होर्डिंग ज्या इगो मीडिया प्रायव्हेट लिमिटेड या कंपनीने लावले होते, त्या कंपनीचा भावेश भिंडे हा संचालक असल्याने त्याच्याविरोधात सदोष मनुष्यवधाचा गुन्हा दाखल करण्यात आला आहे.
दरम्यान, मुंबई पोलिसांनी राजस्थानमधल्या उदयपूरमधून भावेशला अटक केली.
