कल्याण – कल्याण पश्चिम परिसरात जनावरांची अवैध वाहतूक करणारा टेम्पो महात्मा फुले चौक पोलिसांनी पकडला आहे. या टेम्पोत अवैधरित्या २० जनावरांची वाहतूक करण्यात येत होती, या जनावरांमध्ये १५ लहान म्हशी आणि ५ मोठ्या म्हैस जातीच्या जनावरांचा समावेश होता. सदर प्रकरणी पोलिसांनी टेम्पो चालक सलीम खुरैशी आणि नदीम साबुद्दीन खुरेशी या दोघांवर महात्मा फुले चौक पोलीस ठाण्यात गुन्हा दाखल केला असून, दोघांनाही अटक करण्यात आली आहे.
प्राणी रक्षक अँथोनी गोपाल यांनी दिलेल्या माहितीच्या आधारे पोलसांनी हा टेम्पो पकडला. अँथोनी यांना जनावरांची अवैध वाहतूक करणारा टेम्पो माळशेज घाटातून कल्याणच्या दिशेने येत असल्याची माहिती मिळाली होती. त्याआधारे अँथोनी यांनी हि माहिती पोलिसांना दिली असता, पोलिसांनी प्रेम ऑटो चौक कल्याण (प) येथून हा टेम्पो पकडला असून, २० जनावर आणि १ टेम्पो असा एकूण १० लाखांचा मुद्देमाल हस्तगत करण्यात आला आहे.
