डोंबिवली – सोन्याचे दागिने चोरी करणा-या एका महिलेस गुन्हे शाखा, घटक ३, कल्याण पोलिसांनी अटक केली आहे. गंगुबाई उर्फ गिता लक्ष्मण दळवी असे या महिलेचे नाव असून, तिने घरकाम करत असलेल्या घरातून १० तोळे सोन्याचे दागिने चोरले होते.
विष्णूनगर पोलीस ठाण्यात दागिने चोरी झाले असल्याबाबत गुन्हा दाखल करण्यात आला होता. त्याअनुषंगाने सदर गुन्ह्याचा समांतर तपास गुन्हे शाखा, घटक ३, कल्याण पोलिसांनी करून, मिळालेल्या माहितीच्या आधारे पोलिसांनी गंगुबाईला अटक करून तिच्याकडून १० तोळे वजनाचे सोन्याचे दागिने हस्तगत केले.
