डोंबिवली – रिक्षा चोरास अटक करून ३ रिक्षा हस्तगत करण्यात गुन्हे शाखा घटक ३ कल्याण पोलिसांना यश आले आहे.
ऑपरेशन ऑल आऊट अभियान अंतर्गत मानपाडा पोलीस ठाण्याचे हद्दीत गुन्हे शाखा घटक ३, कल्याण पोलीस पथक गुन्हेगारांचा शोध घेत असताना मिळालेल्या माहितीच्या आधारे पोलिसांनी काटई, काटई गांव, डोंबिवली पूर्व येथून दिनेश शिंगोळे यास चोरीच्या रिक्षासह अटक करून त्याच्याकडून मुंब्रा व पंतनगर, मुंबई येथून चोरी केलेल्या एकूण ३ रिक्षा आणि १ मोबाईल असा २,२,०००/- रूपये किमंतीचा मुदद्देमाल जप्त करून एकूण ३ गुन्हे उघडकिस आणले.
सदरची यशस्वी कामगिरी पंजाबराव उगले, अपर पोलीस आयुक्त, गुन्हे शिवराज पाटील, पोलीस उप आयुक्त, गुन्हे व निलेश सोनावणे सहा. पोलीस आयुक्त, (शोध १), गुन्हे, ठाणे शहर यांच्या मार्गदर्शनाखाली कल्याण गुन्हे शाखेचे वरिष्ठ पोलीस निरीक्षक नरेश पवार, सपोनि संदिप चव्हाण, पोउनि संजय माळी, पोहवा विश्वास माने, पोहवा प्रशांत वानखेडे, पोहवा अनुप कामत, पो.ना. दिपक महाजन, पो.कॉ. गोरक्ष शेकडे, पो.कॉ. गुरूनाथ जरग, पो.कॉ. मिथुन राठोड यांनी केली.
