कल्याण – रेल्वे प्रवासात प्रवाशाची बॅग चोरणाऱ्यास कल्याण लोहमार्ग पोलिसांनी अटक केली आहे. अजय सरोज असे याचे नाव असून, त्याच्याकडून ४१,०००/- रुपयांचा मुद्देमाल हस्तगत करण्यात आला.
फिर्यादी सांकेत कुमार मिश्रा हे कोणार्क एक्सप्रेस मधून प्रवास करत असताना लोणावळा ते कल्याण रेल्वे स्टेशन दरम्यान त्यांची बॅग चोरी करण्यात आली असल्याबाबत कल्याण लोहमार्ग पोलीस ठाण्यात गुन्हा दाखल करण्यात आला होता.
त्याअनुषंगाने पोलिसांनी तपास करून मिळालेल्या माहितीच्या आधारे अजय सरोज यास अटक केली आणि त्याच्याकडून लॅपटॉप, २ मोबाईल, २ हार्ड डिस्क, रायटिंग पॅड आणि इतर कागदपत्रे असा एकूण ४१,०००/- मुद्देमाल हस्तगत करण्यात आला.
