पुणे – ससून हॉस्पिटलच्या गेटवर २ कोटींचा अंमली पदार्थ जप्त करण्यात आला आहे. मिळालेल्या माहितीच्या आधारे गुन्हे शाखेच्या पोलिसांनी ससून हॉस्पिटलच्या प्रवेशद्वारातून १ किलो ७५ ग्रॅम चे मेफिड्रोन जप्त केले. या मेफिड्रोनची किंमत २ कोटी रुपये इतकी आहे.
हे हाय प्रोफाईल रॅकेट असून यात ललित पटेल आणि आणखी २ तरुण सहभागी असल्याची प्राथमिक माहिती समोर आली आहे. ललित पटेल हा कुख्यात आरोपी असून ड्रग्सची तस्करी केल्याप्रकरणी त्याला या आधीच पोलिसांनी अटक केली होती आणि त्याची रवानगी येरवडा कारागृहात केली होती.
दरम्यान, त्याच्यावर ससून रुग्णालयात उपचार सुरू आहेत. त्यामुळे रुग्णालयात भरती असताना सुद्धा त्याने हे रॅकेट चालवले कसे? या अनुषंगाने पोलीस आता तपास करत आहेत.
