पुणे – रिक्षा प्रवाशांसह विहिरीत पडल्याची घटना घडली असून, या घटने नवदांपत्यासह एका मुलीचा मृत्यू झाला आहे. तर दोघांना वाचवण्यात सासवड पोलिसांना यश आले आहे.
सासवड – जेजुरी पालखी महामार्गावर खळद बोरावके मळा याठिकाणी रात्रीच्यावेळी हा अपघात झाला. रिक्षेतून प्रवासी प्रवास करत होते. त्यात २ दिवसांपूर्वी लग्न झालेल्या एका दाम्पत्याचा समावेश होता. हे नवदाम्पत्य देवदर्शनाला जेजुरीला जात होते. त्यावेळी हा अपघात झाला. माहिती मिळताच सासवड पोलिसांनी घटनास्थळी धाव घेतली.
दरम्यान, विहिरीत पडलेल्या दोघांना जिवंत बाहेर काढण्यात यश आले, तर नवदांपत्यासह एका मुलीचा मृत्यू झाला आहे.
