मुंबई – मुंबई-गोवा महामार्गावर कार आणि ट्रकचा भीषण अपघात झाला असून, अपघातात ९ जणांचा मृत्यू झाला आहे. मृतांमध्ये ५ पुरुष ३ महिला आणि १ लहान मुलगी यांचा समावेश आहे. तसेच १ लहान मुलगा जखमी असून त्याला उपचाराकरीता उपजिल्हा रुग्णालय माणगाव येथे पाठवण्यात आले आहे.
मिळालेल्या माहितीनुसार मुंबई-गोवा हायवेवर गोरेगाव पोलीस ठाण्याच्या हद्दीत रायगड जवळील मौजे रेपोली येथे लोटे एमआयडीसी येथून मुंबईकडे जाणारा ट्रक व मुंबईकडून गुहागरकडे जाणारी कार यांच्यामध्ये हा अपघात झाला. अपघाताचे कारण अद्याप स्पष्ट झाले नाही.
दरम्यान, अपघाताची माहिती मिळताच पोलिसांनी घटनास्थळी धाव घेत बचावकार्य सुरु केले. तसेच हायवेवरची वाहतूक सुरळीत करण्यात आली आहे.
