मुंबई – मुंबई विद्यापीठाच्या नोंदणीकृत पदवीधर मतदारसंघाची सिनेट निवडणूक कार्यक्रम रद्द करण्यात आला आहे. विद्यापीठाने परिपत्रक काढून या निवडणुकीला स्थगिती दिली आहे. पुढील आदेशापर्यंत हि स्थगित देण्यात आली आहे.
९ ऑगस्ट रोजी मुंबई विद्यापीठ सिनेट निवडणुकीचा कार्यक्रम मुंबई विद्यापीठाकडून जाहीर करण्यात आला होता. पुढील महिन्यात १० सप्टेंबरला सिनेटच्या निवडणुकीसाठी मतदान होणार होते. मात्र, विद्यापीठाने ही निवडणूक स्थगित करण्याचा निर्णय घेतला आहे.
