डोंबिवली – रस्त्यावर पडलेल्या एका व्यक्तीला मदत करण्याच्या बहाण्याने त्याच्या गळ्यातील ४ तोळ्याची सोन्याची चैन आणि सोन्याचे क्रॉस पेंडंल चोरी करणाऱ्या एकाला टिळक नगर पोलिसांनी अटक केली. अक्षय कचरू अहिरे असे अटक कऱण्यात आलेल्याचे नाव आहे.
दारूच्या नशेमध्ये डोंबिवली पूर्वेतील एका बार समोर फिर्यादी तोल जाऊन पडले असता त्यांना उचलण्याच्या बहाण्याने अक्षय याने फिर्यादी यांच्या गळ्यातील सोन्याची चैन आणि पेंडल चोरी केली असल्याबाबत टिळक नगर पोलीस ठाण्यात गुन्हा दाखल करण्यात आला होता.
सदर गुन्ह्याच्या अनुषंगाने पोलिसांनी तपास करून सदर बार समोरच त्याला अटक केली. तसेच त्याच्याकडून चोरीस गेलेली सोन्याची चैन आणि क्रॉस पेंडल हस्तगत केले.
सदरची यशस्वी कामगिरी टिळक नगर पोलीस ठाण्याचे व.पो.नि.दत्तात्रय बोराटे यांच्या मार्गदर्शनाखाली गुन्हे प्रकटीकरण पथकातील स.पो.नी.जयेश शिंदे,स.पो.उ.नि.श्याम सोनावणे,पो.ह.सतिश पगारे. पो.शि.राजपुत,सपकाळे, बागल यांनी केली असून, गुन्ह्याचा पुढील तपास पो.ह.सतिश पगारे हे करीत आहेत.
