कल्याण – पोलिसांच्या अंगावरती फोर व्हीलर गाडी चढवण्याचा व त्यांना मारण्याचा प्रयत्न करून सुमारे २ वर्षांपासून फरार असलेल्या आरोपीस बाजारपेठ पोलिसांनी अटक केली. सुरज खरीराम कायरीया उर्फ बारक्या असे याचे नाव आहे.
कोणतातरी गंभीर गुन्हा करण्याच्या उद्देशाने कल्याणमधील गोविंदवाडी परिसरात सुरज येणार असल्याची माहिती पोलिसांना मिळाली होती. त्याअनुषंगाने पोलिसांनी सदर ठिकाणी सापळा रचून सूरजला अटक केली.
सदरची यशस्वी कामगिरी बाजारपेठ पोलीस ठाण्याचे व.पो.निरी सुनील पवार यांच्या मार्गदर्शनाखाली स.पो.निरी अरुण घोलप, पो.हवा सचिन साळवी, पो.हवा पावशे, पो.हवा बाविस्कर, पो.ना कतकडे, पो.शि फड, पो.शि आंधळे यांनी केली असून गुन्ह्याचा पुढील तपास एपीआय अरुण घोलप करत आहेत.
