पुणे – पुणे – सातारा महामार्गावर वरवे गावच्या हद्दीत भीषण अपघात झाला असून, ४ वाहने एकमेकांना धडकल्याने हा भीषण अपघात झाला. २ कंटेनर आणि २ बसचा या अपघातामध्ये समावेश आहे. हा अपघातात ४ जणांचा मृत्यू झाला. तर काही जण गंभीर जखमी झाले आहेत. जखमींना रुग्णालयात दाखल करण्यात आले आहे.
मिळालेल्या माहितीनुसार एक खासगी बस म्हैसूर कडून मुबंईकडे जात होती. त्यावेळी हि बस नास्ता करण्यासाठी वळत असताना पाठीमागून येणाऱ्या कंटेनरने खासगी बसला मागून जोरदार धडक दिली. लक्झरी बस महामार्गावर जागीच पलटी झाली. आणि हा कंटेनर दुसऱ्या बाजूला साताऱ्याकडे जाणाऱ्या लेनवर गेला. त्यामुळे पुण्याकडून सांगलीला जाणारी शिवशाही बस ही अनियंत्रित झाल्याने ती अपघातग्रस्त झाली व त्याच वेळी पुण्याकडून साताऱ्याकडे जाणारा ट्रक हा सुद्धा अपघातग्रस्त झाला.
दरम्यान, अपघाताची माहिती मिळताच पोलिसांनी घटनास्थळी धाव घेतली. आणि वाहने बाजूला केली. तसेच जखमींना रुग्णालयात दाखल केले.
