निवडणूक आयोग सोमवारी राजकीय पक्षांच्या प्रतिनिधींना घरापासून दूर असणाऱ्या मतदारांसाठी रिमोट इलेक्ट्रॉनिक व्होटिंग मशीन (RVM) डेमो दाखवणार आहे. मतदान पॅनेलने सोमवारी आठ मान्यताप्राप्त राष्ट्रीय पक्ष आणि 57 मान्यताप्राप्त राज्य पक्षांना आरव्हीएमच्या प्रदर्शनासाठी बोलावले आहे.रिमोट इलेक्ट्रॉनिक व्होटिंग मशीन म्हणजेच RVM च्या मदतीने आता घरापासून दूर, दुसर्‍या शहरात आणि राज्यात राहणारा मतदार विधानसभा/लोकसभा निवडणुकीत मतदान करू शकणार आहे. म्हणजेच मतदानासाठी त्याला घरी येण्याची गरज पडणार नाही.
विरोधकांचा आरव्हीएमला विरोध
दुसरीकडे, रिमोट व्होटिंग मशीन (RVM) वर चर्चा करण्यासाठी काँग्रेसने रविवारी सर्वपक्षीय बैठक बोलावली आहे. दिग्विजय सिंह बैठकीच्या अध्यक्षस्थानी होते. यादरम्यान JDU, शिवसेना, राष्ट्रवादी कॉंग्रेस, सीपीआय (M), जेएनएम, आरजेडी, पीडीएफ, व्हीसीके, RUML, एनसीपी आणि समाजवादी पार्टी असे 16 पक्ष सहभागी झाले होते. या सर्वांनी आरव्हीएम प्रस्तावाला विरोध दर्शविला आहे.दिग्विजयसिंह म्हणाले की, RVM ची प्रणाली अजूनही खूप अपूर्ण आहे. त्यात प्रचंड राजकीय विसंगती आणि समस्या आहेत. स्थलांतरित कामगारांची व्याख्या आणि स्थलांतरित कामगारांची संख्याच स्पष्ट झालेली नाही. आम्ही RVM ला समर्थन देऊ शकणार नाही.
