ठाणे – मोटर सायकल व ऑटो रिक्षा चोरी करणाऱ्या २ सराईत गुन्हेगारांना मध्यवर्ती गुन्हे शोध कक्ष, गुन्हे शाखा, ठाणे शहर पोलिसांनी अटक करून त्यांच्याकडून ७ ऑटो रिक्षा व ४ मोटार सायकल हस्तगत केल्या. सर्वेश रमेश विशे आणि मोहन उर्फ मयुर गुरुनाथ विशे अशी दोघांची नावे आहेत.
कशेळी, काल्हेर, भिवंडी ठाणे परिसरात मोटार वाहन चोरी करणारे सराईत गुन्हेगार चोरी केलेली मोटार सायकल विक्री करण्याकरीता कशेळी नाक्यावर येणार असल्याची माहिती पोलिसांना मिळाली होती. मिळालेल्या माहितीच्या आधारे पोलिसांनी सदर ठिकाणी सापळा रचून सर्वेश रमेश विशे आणि मोहन उर्फ मयुर गुरुनाथ विशे या दोघांना अटक केली. नारपोली, कापुरबावडी, वागळे इस्टेट पोलीस ठाण्यातील एकूण १० उघडकीस आणून त्याच्याकडून ७ ऑटो रिक्षा व ४ मोटार सायकल अशी एकूण ११ वाहने हस्तगत करण्यात आली आहेत.
