मुंबई – अमृता फडणवीस यांना लाच ऑफर आणि ब्लॅकमेल करण्याचा प्रयत्न केल्या प्रकरणी बुकी अनिल जयसिंघानीला गुजरातमधून अटक करण्यात आली आहे. मुंबई पोलिसांनी ही कारवाई केली आहे. दरम्यान, अनिल जयसिंघानीची मुलगी अनिक्षाला याआधीच अटक करण्यात आली आहे.
अनिल जयसिंघानी आणि त्याची मुलगी अनिक्षा हिने उपमुख्यमंत्री देवेंद्र फडणवीस यांची पत्नी अमृता फडणवीस यांना टेक्स्ट मेसेज, व्हिडीओ पाठवून ब्लॅकमेल करण्यास सुरुवात केली होती. अमृता यांना १ कोटी रुपयांच्या लाचेचीही ऑफर दिली होती. त्यामुळे अमृता फडणवीस यांनी अनिक्षा आणि अनिल जयसिंघानी विरोधात मलबारहिल पोलीस ठाण्यात गुन्हा दाखल केला होता. त्यानंतर पोलिसांनी उल्हानगरला जाऊन अनिक्षा हिला अटक केली होती. आणि आता अनिल जयसिंघानीला पोलिसांनी गुजरातमधून अटक केली.
