कल्याण – पोलीस असल्याचे सांगून दुचाकी पळवून नेणाऱ्या एका इसमास कोळसेवाडी पोलिसांनी अटक केली. दिलीप पाटील असे अटक करण्यात आलेल्याचे नाव असून, पूर्वी तो वाहतूक वॉर्डनचे काम करत होता.
याबाबत वृत्त असे आहे कि, कल्याण नेतीवली भागातील इंद्रजीत गुप्ता हे दुचाकीवरून जात असताना दिलीप आणि त्याच्या साथीदाराने त्यांना रस्त्यात अडवले आणि आम्ही पोलीस असून तुमची चौकशी करायची आहे असे सांगून ते दोघे इंद्रजित यांची दुचाकी घेऊन पसार झाले.
सदर बाबत इंद्रजीत यांनी कोळशेवाडी पोलीस ठाण्यात तक्रार दिल्यानंतर पोलिसांनी तात्काळ तपास करून दिलीप पाटील याला अटक केली. दरम्यान, त्याचा साथीदार पळून गेला आहे.
