कल्याण – बाजारपेठ पोलीस स्टेशनच्या रेकॉर्डवरील तडीपार असलेल्या हिस्ट्रीशिटर आरोपीला बाजारपेठ पोलिसांनी अटक केली.
बाजारपेठ पोलीस स्टेशनच्या हद्दीत राहणारे रेकॉर्डवरील तडीपार आरोपी उमेर नविद शेख व जहीर शेख या दोघांना लोकांच्या मालमत्तेस नुकसान होऊ नये यासाठी वरिष्ठांनी २ वर्षासाठी तडीपार केलेले असताना हे दोघे गोविंदवाडी रोडवर कोल्हापूर वरून माल घेऊन आलेल्या ट्रक ड्रायव्हरला रस्त्यात अडवून त्यास मारहाण करून त्याचा मोबाईल फोन व पैसे जबरदस्तीने काढून घेत असल्याची माहिती पोलीस हवालदार सचिन साळवी आणि पोलीस हवालदार प्रेम बागुल यांना मिळताच पोलिसांनी सदर ठिकाणी जाऊन उमेर नाविद शेख यास अटक केली. परंतु जहीर शेख हा अंधाराचा फायदा घेत तेथून पळून गेला दरम्यान, जाहीर शेख याचा पोलीस शोध घेत आहेत.
सदरची कामगिरी व.पो.निरी नरेंद्र पाटील यांच्या मार्गदर्शनखाली पो नी सुनील पवार (गुन्हे), स.पो.निरी अरुण घोलप, पोलीस हवालदार पावशे, पोलीस हवालदार सचिन साळवी, पोलीस हवालदार प्रेम बागुल, पोलीस हवालदार परमेश्वर बाविस्कर, पोलीस नाईक कातकडे, पोलीस नाईक फड यांनी केली असून, पुढील तपास स.पो.निरी अरुण घोलप हे करत आहेत.
