डोंबिवली पोलिसांची कामगिरी…
डोंबिवली – सायकल चोरी करणा-या एका इसमाकडून डोंबिवली पोलीसांनी १,३०,०००/- रुपये किंमतीच्या एकूण १३ सायकल हस्तगत केल्या. हसमितसिंग जसमेरसिंग सैनी असे याचे नाव असून तो त्याच्या एका अल्पवयीन साथीदारासह मिळून सायकल चोरी करत असे.
नंदादीप रुद्रकुटी सोसायटी, जय मधु मिलन सोसायटी चिपळुणकर रोड, गणेश प्रतिभा सोसायटी आयरे रोड, विवेक सोसायटी आयरे रोड डोंबिवली पूर्व परीसरात सायकल चोरी झाल्याबाबतच्या तकारी डोंबिवली पोलीस ठाणेत दाखल असल्याने सदर गुन्ह्याच्या अनुषंगाने पोलिसांनी तपास करून मिळालेल्या माहितीच्या आधारे दोघांना ताब्यात घेतले. त्यातील एकजण विधीसंघर्षग्रस्त बालक मिळून आल्याने त्याला त्याच्या पालकांच्या ताब्यात दिले. आणि हसमितसिंग जसमेरसिंग सैनी यास अटक करून त्याच्याकडून १,३०,०००/- रुपये किंमतीच्या एकूण १३ सायकल हस्तगत करून डोंबिवली पोलीस ठाण्यातील एकूण ४ गुन्हे उघडकीस आणेल.
सदरची यशस्वी कामगिरी पोलीस उप आयुक्त, परिमंडळ – ३, कल्याण सचिन गुंजाळ सहाय्यक पोलीस आयुक्त, डोंबिवली विभाग सुनिल कुराडे, वरिष्ठ पोलीस निरीक्षक सचिन सांडभोर, पोनि / तडवी यांच्या मार्गदर्शनाखाली डोंबिवली पोलीस ठाणे गुन्हे प्रकटीकरण पथकाचे सपोनि योगेश सानप, सपोनि बळवंत भराडे, पोहवा विशाल वाघ. पोहवा भणगे पोहवा सचिन भालेराव पोहवा लोखंडे, पोना. कोळेकर, पोअं राठोड, चालक पोपो ना.कोती, पो.ना रायते, पो.अं निलेश पाटील, पोअ गिरीश शिर्के यांनी केली.
