संत तुकाराम महाराज यांना त्यांची पत्नी रोज मारहाण करायची म्हणूनच त्यांनी देवाचा धावा घेतला, असे वादग्रस्त वक्तव्य बागेश्वर बाबा यांनी केले आहे. याबाबतचा व्हिडिओ सध्या जोरदार व्हायरल होत आहे. याबाबत महाराष्ट्रातून तीव्र संताप व्यक्त केला जात आहे.
संत तुकाराम महाराष्ट्रातील एक महात्मा होते, त्यांची पत्नी त्यांना रोज मारायची कुणी तरी त्यांना विचारलं, तुम्ही रोज बायकोचा मार खाता तुम्हाला लाज नाही वाटत का? त्यावर तुकाराम म्हणाले, मला मारहाण करणारी बायको मिळाली ही देवाचीच कृपा आहे.
त्यावर ती व्यक्ती म्हणाली, यात देवाची कृपा काय? तेव्हा तुकाराम म्हणाले, अरे प्रेम करणारी पत्नी मिळाली असती तर मी देवाच्या प्रेमात पडलो नसतो. भक्तीत लीन झालो नसतो. पत्नीच्या प्रेमात पडलो असतो. मारहाण करणारी पत्नी मिळाल्याने देव मला त्याची सेवा करण्याची संधी तर देतो. प्रभू रामाच्या चरणी लीन होण्याची संधी तर देतोय असे वादग्रस्त विधान बागेश्वर बाबांनी केले. त्यांच्या या विधानावर तीव्र संताप व्यक्त केला जात आहे. राष्ट्रवादी काँग्रेस आणि भाजपने या वक्तव्याचा निषेध करून माफीची मागणी केली आहे.
