कल्याण – कल्याण पूर्व परिसरात जबरीने सोनसाखळी चोरणाऱ्या दोघांना कोळसेवाडी पोलिसांनी अटक करुन एकूण ३ गुन्हे उघडकीस आणेल. तसेच १,२५,०००/- रु. किंमतीचा मुद्देमाल हस्तगत केला. आकाश उर्फ बाबू छोटेलाल पारवे आणि कुणाल रमेश देहडे अशी या दोघांची नावे आहेत.
एका महिला रितेश ॲम्पायर बिल्डींग जवळ, ६० फुटी रोड, कल्याण (पू) येथून चालत जात असताना २ अनोळखी इसमांनी मोटार सायकलवर येऊन त्यांच्या गळ्यातील २.५ तोळे वजनाची ७५,०००/- रुपये किंमतीची सोन्याची चैन जबरीने खेचून पळून गेले असल्याबाबत कोळसेवाडी पोलीस ठाण्यात गुन्हा दाखल करण्यात आला होता.
त्याअनुषंगाने पोलिसांनी तपास करून मिळालेल्या माहितीच्या आधारे या दोघांना अटक केली. तसेच त्यांच्याकडून सोन्याची चैन व मोटार सायकल असा एकूण १,२५,०००/- रु. किंमतीचा मुद्देमाल हस्तगत केला. आणि ३ गुन्हे उघडकीस आणेल.
