कल्याण – अग्निशस्त्र बाळगणाऱ्या एका इसमास कोळसेवाडी पोलिसांनी अटक केली. मनोज उर्फ मन्या बसवराज यादव असे याचे नाव आहे. पेट्रोलींग करत असताना साकेत कॉलेज परिसरात मनोज उर्फ मन्या बसवराज यादव हा अग्निशस्त्र बाळगून फिरत असल्याबाबतची माहिती पोलिसांना मिळाली होती.
मिळालेल्या माहितीच्या आधारे पोलिसांनी सदर ठिकाणी जाऊन त्यास अटक केली.तसेच त्याच्याकडून १ अग्निशस्त्र हस्तगत केले. दरम्यान, त्याच्यावर यापूर्वी ५ गुन्हे दाखल असल्याची माहिती समोर आली आहे.
