डोंबिवली – पूर्वेतील डिलक्स वाईन शॉप मार्ट या दुकानात चोरी करणाऱ्या सराईत चोरट्यांना डोंबिवली पोलिसांनी अटक करून एकूण ३,५०,०००/- रु. मुद्देमाल हस्तगत केला. सरुउददीन शेख, जुबेर अन्सारी आणि शहाबुद्दीन शेख अशी या तिघांची नावे आहेत.
डोंबिवली पूर्वेतील डिलक्स वाईन शॉप मार्ट या दुकानातील ८,००,०००/- रोख रक्कम घरफोडी करून चोरी केली असल्याबाबत सदर दुकानाचे मालक शेट्टी यांनी दिलेल्या तक्रारीवरून डोंबिवली पोलीस ठाण्यात गुन्हा दाखल करण्यात आला होता. त्यानुषंगाने पोलिसांनी तपास करून सदर तिघांना अटक केली. तसेच त्यांच्याकडून ३,५०,०००/- रोख रक्कम हस्तगत केली.
सदरची यशस्वी कामगिरी अपर पोलीस आयुक्त, पूर्व प्रादेशिक विभाग दत्तात्रय शिंदे, पोलीस उप आयुक्त, परिमंडळ – ३, कल्याण सचिन गुंजाळ, सहाय्यक पोलीस आयुक्त, डोंबिवली विभाग, सुनिल कुराडे वरिष्ठ पोलीस निरीक्षक, सचिन सांडभोर यांच्या मार्गदर्शनाखाली डोंबिवली पोलीस ठाणे गुन्हे प्रकटीकरण पथकाचे सपोनि बळवंत भराडे, सपोनि योगेश सानप, पोहवा भणगे, पोहवा विशाल वाघ, पोहवा लोखंडे, पो.ना कोळेकर, पोअ. शिवाजी राठोड, पो.अं नितीन सांगळे, पोहवा निसार पिंजारी कोळसेवाडी पो.ठाणे यांनी केली.
