कल्याण – एका २० महिन्याच्या मुलीचे अपहरण करण्याचा प्रयत्न कल्याण रेल्वे स्थानकात घडला असून, या प्रकरणी कल्याण लोहमार्ग पोलिसांनी अपहरणाचा प्रयत्न करणाऱ्या इसमास अटक केली आहे. सलीम पठाण असे याचे नाव आहे.
याबाबत वृत्त असे आहे कि, फिर्यादी राकेश गुप्ता हे कुटुंबासोबत साईनगर शिर्डी येथून दादरला येण्याकरीता साईनगर शिर्डी एक्सप्रेसमधून प्रवास करत असताना कल्याण रेल्वे स्थानकात गाडी थांबली त्यावेळी गुप्ता हे टॉयलेटला गेले असल्याचे बघून सलीम फिर्यादी यांच्या २० महिन्याच्या मुलीला पळवून नेण्याचा प्रयत्न करत असताना गुप्ता यांनी त्यांची मेव्हणी आणि प्रवाशांच्या मदतीने सलीम पठाणला पकडले. आणि पोलिसांच्या स्वाधीन केले.
पोलिसांनी सदर प्रकरणी गुन्हा दाखल करून पठाणला अटक केली.
