कल्याण – गोवंशीय जातीच्या बैलांची तस्करी करणाऱ्या दोघांना बाजारपेठ पोलिसांनी अटक केली. त्यांच्याकडून एकूण १३ बैल हस्तगत करण्यात आले.
साजिद अहमद अब्दुल रहमान चौधरी आणि रेहान शब्बीर अहमद कुरेशी अशी या दोघांची नावे आहेत. कल्याण आग्रा रोड मार्गे पडघा तळवली या ठिकाणी एका ट्रक मधून काही गोवंशीय जातीच्या जनावरांची कत्तल करण्यासाठी व त्यांची खरेदी विक्री करण्यासाठी घेऊन जाणार असल्याची माहिती डिटेक्शन ब्राचं मधील पोलीस हवालदार सचिन साळवी यांना मिळाली होती.
मिळालेल्या माहितीच्या आधारे वरिष्ठांच्या मार्गदर्शनाखाली पोलिसांनी सदर ठिकणी सापळा रचून सदर दोघांना अटक करून एकूण १३ गोवंशीय जातीचे बैल आणि ट्रक असा एकूण ८,९०,०००/- रुपये किंमतीचा मुद्देमाल हस्तगत केला.
दरम्यान, सदर बैलांना बापगाव ता.भिवंडी येथील गौशाळे ठेवण्यात आले आहे.
सदरची यशस्वी कामगिरी वरिष्ठ पोलीस निरीक्षक नरेंद्र पाटील यांच्या मार्गदर्शनाखाली एपीआय घोलप, पोलीस हवालदार सचिन साळवी, पोलीस हवालदार प्रेम बागुल, पोलीस हवालदार परमेश्वर बाविस्कर, पोलीस नाईक चिंतामण कातकडे, पोलीस नाईक रामदास फड यांनी केली.
