कल्याण – एक्सप्रेसमधून प्रवास करणाऱ्या महिला प्रवाशांची पर्स जबरीने चोरी करणाऱ्या चार जणांना गुन्हे शाखा युनिट ३, कल्याण, लोहमार्ग, पोलिसांनी अटक करुन त्यांच्याकडून जबरी चोरीचे २ आणि चोरीचे ६ असे एकूण ८ गुन्ह्यातील एकूण ९,४१,९९८ /- रु. किं. सोने-चांदीचा ऐवज व ५ मोबाईल जप्त केले.
याबाबत वृत्त असे आहे कि, अहमदाबाद वसई-पुणे अप डाऊन मेल एक्सप्रेस गाड्यामध्ये रात्रीच्यावेळी झोपून प्रवास करणाऱ्या महिला प्रवाशांच्या पर्स दागिन्यांसह चोरीच्या गुन्ह्यांचे प्रमाणे वाढले होते. त्याअनुषंगाने पोलिसांनी तपास करून मिळालेल्या माहितीच्या आधारे रवी गायकवाड यास अटक केली.
त्यानंतर त्याने सांगितलेल्या माहितीच्या आधारे त्याचे साथीदार गणेश राठोड, ऊर्फ गोल्या, प्रकाश नागरगोजे आणि तानाजी शिंदे या तिघांना अटक केली. तसेच त्यांच्याकडून ८ गुन्ह्यातील एकूण ९,४१,९९८ /- रु. किं. सोने-चांदीचा ऐवज व ५ मोबाईल जप्त केले.
