ठाणे – दिड कोटींचे हस्तीदंत जप्त करत आतंरराज्यीय तस्कर टोळीतील दोघांना गुन्हे शाखेने अटक केली. मोहम्मद रफी इब्राहिम सय्यद आणि रहीम बादशहा खान अशी या दोघांची नावे आहेत.
२ इसम हस्तीदंत विक्री करण्यासाठी कोपरी आनंद नगर नाका येथे येणार असल्याची माहीती गुन्हे शाखा वागळे युनिट ५ च्या पोलिसांना मिळाली होती. मिळालेल्या माहितीच्या आधारे पोलिसांनी सदर ठिकणी सापळा रचून मोहम्मद रफी इब्राहिम सय्यद आणि रहीम बादशहा खान या दोघांना अटक केली.
त्यांच्याकडून सुमारे दिड कोटी रूपये किंमतीचे ४ किलो वजनाचे २ हस्तीदंत जप्त करण्यात आले आहेत. तसेच या दोघांविरुद्ध कोपरी पोलीस ठाण्यात गुन्हा दाखल करण्यात आला असून अधिक तपास गुन्हे शाखा, वागळे युनिट ५, ठाणे पोलीस करत आहेत.
