डोंबिवली – बिबट्याची कातडी बाळगणाऱ्या दोघांना राम नगर पोलिसांनी अटक करून ५ लाखांची बिबट्याची कातडी हस्तगत केली. जयंतीलाल साळी आणि दिनेश जावरे अशी या दोघांची नावे आहेत.
डोंबिवली पूर्वेतील ९० फुट रस्त्याजवळ २ इसम बिबट्याची कातडी विक्रीसाठी घेऊन येणार असल्याची माहिती पोलिसांना मिळाली होती. मिळालेल्या माहितीच्या आधारे पोलिसांनी सदर ठिकाणी सापळा रचून सदर दोघांना अटक करून त्यांच्याकडून ५ लाखांची बिबट्याची कातडी हस्तगत केली.
सदरची यशस्वी कामगिरी वरिष्ठ पोलीस निरीक्षक सचिन सांडभोर यांच्या मार्गदर्शनाखाली सहायक पोलीस निरीक्षक वाय.पी.सानप, पोलीस हवालदार विशाल वाघ, हृषीकेश भालेराव, संजय पाटील यांनी केली.
